Miriam - ung kvinde - står udenfor i sneen

AJORNARTOORNERMI NAARTUNAVEERSAAT PISARIAQARTIPPIUK?

Periarfisseqqinneqarnerit

Iisartakkamik naartunaveersaammik iisinissaq puigorpat, usuup puua aserorpoq, pessarit iluamik inissisimanngilaq, ullut naartulersinnaan-ngiffitit kukkullugit naatsorsorsimavatit – naartunaveersaat iluarinerusat malillugu pissutsit assigiinngitsut pilersaarutaanngitsumik ingerla-titsisinnaapput. Ajornartoornermi naartunaveersaatit tassunga iluaqutissaapput.

Ajornartoornermi naartunaveersaatit assigiinngitsut

Ajornartoornermi naartunaveersaatit pingaarnerit marluupput – iisartagaq hormoninik akulik, aamma spirali kanngussak (IUD).

Naartulersoraluni iisartagaq

‘Aqaguani iisartakkatut’ taaneqartarpoq, taamaattuulluinnarporlu; iisartagaq hormoninik akulik naartulernissaq pinaveersaartinniarlugu sanaaq. Illersuuteqarnani atoqateqareernermi 24 tiimit tungaanut iineqassaaq, kisianni iluarnerpaassaaq 12 tiimit siulliit iluanni iineqaruni. Iisartakkanut naartunaveersaatinut sanilliullugu hormoninik annertunermik akoqarmat, iineqakulasussatut naatsorsuutaanngilaq.

Spirali kanngussak

Naartunaveersaat sivisuumik atuuttartoq hormoninik imaqanngitsoq, spirali kanngussak peersat ingerlaqqissinnaajunnaarsillugit kiisalu mannissat kinguaassaqalersimasut illissap iigartaasaanut nip-putsinnginniarlugit kanngussannik ion-inik aniatitsisarpoq. Illersuute-qarnani atoqatigeereernermi ullut 5-it qaangiutsinnagit ikkunneqaruni, ajornartoornermi naartunaveersaatitut atorsinnaavoq. Taamaalillutit ukiuni 5-8-ni pilersaarutaanngitsumik naartulernissaq pinaveersaar-tinniarlugu atorsinnaavat.

Nakorsap imaluunniit peqqissaasup oqaloqatiginissaa eqqaamallugu

Ajornartoornermi naartunaveersaat pillugu ernummateqaruit imaluunniit apeqqutissaqaruit, nakorsaq imaluunniit peqqissaasoq oqaloqatigis-savat. Illersuuteqarnak atoqateqarnissat siunertaasimanngikkaluarpat, assersuutigalugu usuup puua aserorsimappat, kinguaassiutitigut nappaateqarnerlutit aamma misissortinnissaq piumasariuk.

P-piller, hormonspiral imaluunniit p-stav? Sorleq toqqassaviuk?

Naartunaveersaatit suut ilinnut tulluarnersut takuniarlugu apeqqutit tallimat akikkit.

APEQQUTIT AKIKKIT

NAARTUNAVEERSAATIT ALLAT

Naartulersoraluni iisartakkat akulikitsumik iineqartartussanngillat, taa-maattumik arlaleriarlutit pisariaqartissimagukkit, naartunaveersaatit sivisuumik atuuttartut uku isumaliutersuutigikkit:

Spirali hormonimik akulik

Spirali hormonimik akulik plastikkiuvoq mikisoq T-tut isikkulik, ukiut 3-5-it tungaannut hormoninik gestageninik annikitsukkaarlugit aniatitsisartoq. Nakorsaatissanut allagartaqarluni pissarsiarineqartarpoq, nakorsamillu imaluunniit peqqissaasumit illissamut ikkunneqartarluni.

Periuseq takujuk

Spirali kanngussak

Spirali kanngussak plastikkiuvoq mikisoq T-tut isikkulik, kanngussammik allunaasartalik. Nakorsaatissanut allagartaqarluni tunniunneqartarpoq, kiisalu nakorsamit imaluunniit peqqissaasumit illissamut ikkunneqartarpoq, ukiunilu 5-10-t tungaannut naartunaveersaataasarluni.

Periuseq takujuk

Implanon

Silikone mikisoq qitulleraartoq ukiuni 3-5-it tungaannut hormoninik aniatitsisartoq. Nakorsaatissanut allagartaqarluni tunniunneqartarpoq, assaqqup iluatungaanut nakorsamit imaluunniit peqqissaasumit ikkunneqartarpoq.

Periuseq takujuk

P-kapuut qaammatini pingasuni atuuttoq

Kapuut hormonimik/hormoninik akulik, nakorsaatissanut allagartaqarluni tunniunneqartartoq, qaammatillu tamaasa imaluunniit qaammatit pingasukkaarlugit nakorsamit imaluunniit peqqissaasumit isumagineqartartoq.

Periuseq takujuk

Naartunaveersaatit assersuutikkit

KALAALLIT NUNAANNI NAARTUNAVEERSAATIT AKEQANNGILLAT

- NAARTUNAVEERSAATIT ATORSIGIT IMMISSINNULLU PAARALUSI

Nalunngiliut usuup puuinik atugassannik akeqanngitsumik, piffissamik inniminneeqqaarnak napparsimavimmut aalliinnariaallutit?

Usuup puuata saniatigut naartunaveersaateqarnissat pitsaassaaq. Kalaallit Nunaanni iluanaarputit naartunaveersaatit assigiinngitsut akeqanngitsumik pisinnaagakkit, ilinnut tulluartut toqqarsinnaallugit.

P-pillit ullut tamaasa iisassaapput. Eqqaamasinnaaneq ajorukkit imaluunniit ullut tamaasa iisisarnissat aporfigigukku, naartunaveersaatit attartuut toqqarsinnaavatit, assersuutigalugu hormonspirali imaluunniit p-stavi. Hormonspirali ukiunit pingasunit ukiut arfinillit tungaannut atasarpoq, apeqqutaalluni sorleq atornerit.

Naartunaveersaatit pillugit peqqissaasumik oqaloqateqarit, paasisaqarfiginiassavatit. Atoqatigiinneq nuannernerpaasarpoq, atoqatigeereeraanni kinguaassiutitigut nappaatit imaluunniit naartunissaq eqqarsaatigisussaanagu.