NUVARING
Naartunaveersaat qitulleraartoq
AJORPALLAANNGILAQ
Nuvaring piuminartuuvoq atornissaminullu tulluarsagaalluni, taakkunanngarnilli annertuneruvoq. Plastikkimik aqitsumik peqikkuminartumillu sanaajuvoq, utsummut inisseqqagaangami arriitsumik gestagenimik østrogenimillu aniatitsisartoq. Hormonit mannissap kaanngarnissaanik pinaveersaartitsisarput, kiisalu illissap paavani aniasoq kinernerulertittarlugu, peersap aalanissaa ajornarnerulersinniarlugu. Sapaatit akunneri 3-t atorneqartarpoq, tamatuma kingorna peerneqartarpoq, sapaatillu akunnera ataaseq pausersinnarluni nutaamik ikkussisoqartarluni.
Nuvaring utsuup iluanut inissinneqartarpoq, taamaasilluni tamponitut ikkunneqartarluni. Assatit erroreerukkit, ammalortoq pussussavat utsuillu iluanut pulatillugu, utsunnut uninnissaata tungaanut. Inissaminut eqqortumik inissinneqarpat, sapaatit akunneri tullii 3-t allamik allamik iliuuseqartoqassanngilaq. Sapaatit akunneri 3-t qaangiuppata peerneqassaaq, sapaatillu akunnera 1 utaqqisoqassalluni – sapaatip akunnerani peeqqaffiani aaqarneq aallartittussaassaaq. Nuvaringingeqarani sapaatip akunnera qaangiuppat ileqqoq uteqqinneqassaaq.
Nuvaring katappat, ikkuteqqinneqarnissaanullu 3 tiimit sinnerpagit naartunaveersaat alla atorneqartariaqarpoq. Nuvaring katappat, 3 tiimillu iluani ikkuteqqinneqarpat, nalinginnaasumik ingerlaqqittoqarsinnaavoq. Nuvaring ulluni tulliuttuni 7-ini inissaminiissimaguni, sunniuteqaqqilissaaq. Nuvaring qanoq atorneqartarnersoq nalornissutigigukku, nakorsaq oqaloqatigisariaqarpat.
SUNNIUT NALINGINNAASUMIK ATUINEQ
Hormonit
Nuvaring gestagenimik aamma østrogenimik annikitsumik aniatitsisarpoq.
Atornera
Nuvaring utsummiissaaq sapaatit akunnerini 3-ni. Sapaatit akunnerisa sisamassaanni peeqqaneqassaaq, tamatuma kingorna nutaamik taarserneqassalluni, sapaatillu akunnerini 4-ni nutaaq aallartissaaq.
Aaqartarnerit
Nuvaring aaqartarnernik nikerartitsilaarsinnaavoq.
Nuvaring katappat qanoq iliussaanga?
Atoqatigiinnermi, imaluunniit tamponimik peersinermi, imaluunniit anarnermi Nuvaring sisoorsinnaavoq imaluunniit utsummit anillassinnaalluni. Anillappat imermik errortorneqassaaq, sapinngisamillu sukkanerpaamik ikkuteqqinneqassalluni. 3 tiimit ataallugit peeqqasimaguni, naartulernissamut suli illersussavaatit. 3 tiimit sinnerlugit peeqqasimappat, ulluni tulliuttuni 7-ini naartunaveersaammik allamik atortariaqarputit, ass. usuup puua. Nuvaring 3 tiimit sinnerlugit peeqqasimappat, minnerpaamik ullut 7-it iniminiissaaq; tamanna isumaqarpoq qaammammi taamaattumi ullut 21-t sinnerlugit atussagit. Tamatuma kingorna Nuvaring sapaatip akunnera 1 peeqqassaaq, Nuvaringip tulliata ikkunnissaata tungaanut. Paasissutissat annertunerusut pillugit, allagartaq ilanngussaq atuaruk.
Nuvaringip peernissaa puigorsimagukku?
Nuvaring sapaatit akunnerini 4-ni utsuup iluaniippat, naartunissamut illersuuteqarputit. Ammalortoq erngertumik peeruk, ullullu 7 qaangiuppata nutaamik taarserlugu. Nuvaring sapaatit akunneri 4-t sinnerlugit utsunniitikkukku, erngertumik piissavat, naartunerlutillu misissussavat, naartulersimannginnerit qulakkeerniarlugu. Nuvaringimik nutaamik taarseruk, ullullu tulluttut 7-it naartunaveersaammik allamik atuigit, ass. usuup puua. Pisumi taamaattumi nikerartunik aaqarsinnaavutit. Suli ernumassuteqaruit, nakorsat oqaloqatigisariaqarpat.
Atoqatigiinnermi aapparma uangaluunniit Nuvaring malugisinnaassavarput?
Atoqatigiinnermi, atoqatigisavit immaqa Nuvaring utsuit iluani malugisinnaassavaa.
Nuvaring ilunni tammarsinnaava?
Naamik. Nuvaring utsummi inissippat, ilummut ajannissaanut imaluunniit tammarnissaanut aarlerinaateqanngilaq. Nuvaringilli inissereernerani anniaruit imaluunniit utsunni tammarukku nakorsaq attavigissavat.
Tampon Nuvaringilu ataatsikkut atorsinnaavakka?
Tamponit Nuvaringip naartunaveersaatitut sunniutaanut sunniuteqarneq ajorput. Nuvaring inissiguk, tamponip ikkutinnginnerani. Pingaartumik mianersorit, tamponip nusunnerani, Nuvaring ilanngullugu nusuttuunnginnissaanut. Taamaattoqarpalli, Nuvaring imermik salinneqassaaq erngertumillu ikkuteqqinneqarluni.
Vaginalring Nuvaringituulli ippa?
Aap, assigiipput. Assigiinngitsuupput, tamarmilli timimut hormoninik aniatitsisarput, naartulernissamik pinaveersaartitsisuullutik.
Nuvaring oqimaalisitsisarpa?
Nuvaringimik atuineq arnani arlalinni oqimaannerulernermik kinguneqarsinnaavoq. Qanoq oqimaatsigilertarneq inunni ataasiakkaani assigiinngilaq.
SIUNNERSORNEQARNISSAQ PISARIAQARTIPPIUK?
Peqqissaanermik suliaqartoq oqaloqatigiuk
PAASISARIAQAKKATIT
Ukiu 40 sinnerlugit
Naartunaveersaat taanna nakorsanit ilisimatuunillu ilisimatusarfigineqarpoq.
Sapaatip akunneri 3
Nuvaringip piffissaq atorneqarfissaa.
Taamaallaat 1%...
Kukkuneqanngitsumik atuinermi naartulersoornissamut aarlerinaat.
- Nuvaring sapaatit akunnerini 3-ni atorneqarsinnaavoq.
- Piumasaqaataavoq, sapaatip akunneri qassit atorsimanerlugu malinnaaffigeqqissaarnissaa.
- Arnat ilaasa misigisarpaat aniasoqarlutik, iluaalliorlutik, niaqorlullutik, isummaminnik eqqortitsiuminaallutik, oqimaallillutik aamma aaqartarnerit akornuteqartut.
- HIV/AIDS-imut imaluunniit kinguaassiutitigut nappaatinut allanut illersuinngillat.
KALAALLIT NUNAANNI NAARTUNAVEERSAATIT AKEQANNGILLAT
- NAARTUNAVEERSAATIT ATORSIGIT IMMISSINNULLU PAARALUSI
Nalunngiliut usuup puuinik atugassannik akeqanngitsumik, piffissamik inniminneeqqaarnak napparsimavimmut aalliinnariaallutit?
Usuup puuata saniatigut naartunaveersaateqarnissat pitsaassaaq. Kalaallit Nunaanni iluanaarputit naartunaveersaatit assigiinngitsut akeqanngitsumik pisinnaagakkit, ilinnut tulluartut toqqarsinnaallugit.
P-pillit ullut tamaasa iisassaapput. Eqqaamasinnaaneq ajorukkit imaluunniit ullut tamaasa iisisarnissat aporfigigukku, naartunaveersaatit attartuut toqqarsinnaavatit, assersuutigalugu hormonspirali imaluunniit p-stavi. Hormonspirali ukiunit pingasunit ukiut arfinillit tungaannut atasarpoq, apeqqutaalluni sorleq atornerit.
Naartunaveersaatit pillugit peqqissaasumik oqaloqateqarit, paasisaqarfiginiassavatit. Atoqatigiinneq nuannernerpaasarpoq, atoqatigeereeraanni kinguaassiutitigut nappaatit imaluunniit naartunissaq eqqarsaatigisussaanagu.
