PESSARI
24 tiimit siornatigulli peersap isernissaanut assiutaasoq.
ILUTSIP TULLUAQQISSAARTUP PIGINISSAA PINGAARPOQ
Pessari assiaqutaavoq piuminartoq, peersap illissamut apuunnissaanik pinngitsoortitsisoq. Pessari qaarajuttutut iluseqarpoq ammalortuulluni qitulleraartoq, latex-imik imaluunniit silikonemik sananeqartoq, qitulleraartumik sinaakkutilik. Atoqatigiinnginnermi utsummut ikkunneqartarpoq. Assatit errukkit, pessari tarngummik peersamut toqoraataasumik immeruk, isumannaatsuunissarlu pillugu sinaa tarngussiffigiuk. Taava pessari peqiteruk, tamponimillu inissiisarnittut inissiguk, illissap paavanik assiinissaanut qummut ajallugu.
Pessarip pitsaassutigaa, atoreernissaa pilersaarutigisinnaagakku imaluunniit atoqateqaliivinnermi aattaat atisinnaagakku. 24 tiimit tungaannut uninngasinnaavoq, arlaleriarlutilli atoqateqarniaruit, tarngut peersamut toqoraataasoq ilasariaqarpat. Pessari atoqatigeereernermi minnerpaamik 6 tiimit uninngasariaqarpoq. Pessarit assigiinngitsut pisiarisinnaavatit, namminerlu ikkunnissaa isumagisussaavat og. Eqqortumik ikkunneqarnissaata saniatigut, ilaatigut aamma misissorneqartariaqarpoq, akornuteqalersimannginnersoq.
SUNNIUT NALINGINNAASUMIK ATUINEQ
Hormonit
Pessari hormonitaqanngilaq, tarngullu peersamut toqoraataasoq ilanngullugu atorlugu pitsaanerpaasarpoq.
Atornera
Atoqateqannginnermi 24 tiimi sioqqullugu pessari utsummut ikkunneqassaaq, atoqateqarnerit tamarluinnaasa, atoqatigeereernermilu minnerpaamik 6 tiimit uninngatinneqartassalluni.
Aaqartarnerit
Pessari aaqartarnermut sunniuteqarneq ajorpoq.
Pessari katassinnaava imaluunniit ilumi peersinnaajunnaarluni?
Pissutissaqanngilaq, pessarip katassinnaanissaanut imaluunniit timimi peersinnaajunnaarnissaanut. Nalorniguit pessarit nakorsamut nassarsinnaavat, ilinnullu tulluarnersoq nakorsaq misissueqqullugu.
Atoqateqarniarlunga aalajangeriasaaruma susoqassava?
Pessari atoqateqanngilaarnermi ikkunneqarsinnaavoq, imaluunniit atoqateqarnissamut 6 tiimit tungaanut sioqqullugu ikkunneqarsinnaalluni.
Sooruna 24 tiimit sinnerlugit pessari ikkusimassanngitsoq?
24 tiimit sinnerlugit pessari peernagu ikkusimatiinnaraanni, utsuup iluani bakteriat ikaliartornerisa annertusineranik kinguneqarsinnaavoq. Bakteriat toksisk choksyndrom-imik kinguneqarsinnaapput, aseruuttoorneq ilungersunartoq qaqutigoortorli.
Aaqartillunga pessareqarsinnaavunga?
Aap, aaqarnerup nalaani pessari atorneqarsinnaavoq.
Atoqateqarnerup nalaani pessari katappat qanoq iliussaanga?
Tarngummik peersamut toqoraataasumik ilaqqilaariarlugu ikkuteqqiinnassavat. Atoqatigisat inereertoq pessari katappat, imaluunniit atoqatigiinnerup nalaani iluamik ikkusimasimanngitsoq eqqarsaruit, ajornartorrnermi naartunaveersaammik pisariaqartitsinersutit pillugu nakorsat oqaloqatigisariaqarpat.
Pessarip ikkutereernerani arlaleriarlunga atoqateqarsinnaavunga?
Aap. Pessari iluamik inissisimappat, uninngaannassaaq, atoqateqalernerilli tamaasa tarnguttakkamik peersamut toqoraataasumik ilasuaannassavat.
Tarngut peersamut toqoraataasoq pessarimut atatillugu qanoq atuuttarpa?
Pessari sunniuteqarnerusarpoq, ikkutinnginnerani tarngummik peersamut toqoraataasumik ilagukku. Tarngutit peersamut toqoraataasut akuutissanik imaqarput, peersap mannissamut apuunnissaanik kinguaassaqalertitsinissaanillu unitsitsisunik. Pessarip qulakkiissavaa, tarngut peersamut toqoraataasoq sumiiffissaminiissasoq, tassa illissap paavata eqqaani.
SIUNNERSORNEQARNISSAQ PISARIAQARTIPPIUK?
Peqqissaanermik suliaqartoq oqaloqatigiuk
PAASISARIAQAKKATIT
24
Tiimit pessarip utsummi inissisimasussaanerisa amerlassusaat.
1882
Ukioq Dr. C. Hasse-p (atitut atugaq Wilhelm Mesinga) pessarimik nassaartutut oqaatigineqarnera.
6
Atoqatigeereernermi tiimit pessarip iniminiiginnarfissai.
- Pisariaqartitsinermi atorneqartarpoq, nammineerluni ikkunneqarlunilu peerneqartarpoq.
- Milutsitsilluni atorneqarsinnaavoq.
- Hormoninik akoqanngilaq, arnanullu hormoninut atatillugu saniatigut sunniutinik kissaateqanngitsunut periarfissaalluni.
- Sunniuteqarnerpaassappat, tarngut peersamut toqoraataasoq ilanngullugu atorneqartariaqarpoq.
- Pessarip ikkunniarnera peerniarneralu sungiunniagassaalaarsinnaavoq.
- Arnanut erneqqammersunut tulluanngilaq.
- Arnat ilai iluaalliorsinnaapput, sapikkamut qisuariarsinnaallutik, quup aqqutaatigut aseruuttoorsinnaallutik, pessarilu atornerani kingusinnerpaamik 24 tiimit qaangiuppata peerneqanngippat, toksisk choksyndrom-ernissamut aarlerinaateqarpoq.
- HIV/AIDS-imut imaluunniit kinguaassiutitigut nappaatinut allanut illersuinngillat.
KALAALLIT NUNAANNI NAARTUNAVEERSAATIT AKEQANNGILLAT
- NAARTUNAVEERSAATIT ATORSIGIT IMMISSINNULLU PAARALUSI
Nalunngiliut usuup puuinik atugassannik akeqanngitsumik, piffissamik inniminneeqqaarnak napparsimavimmut aalliinnariaallutit?
Usuup puuata saniatigut naartunaveersaateqarnissat pitsaassaaq. Kalaallit Nunaanni iluanaarputit naartunaveersaatit assigiinngitsut akeqanngitsumik pisinnaagakkit, ilinnut tulluartut toqqarsinnaallugit.
P-pillit ullut tamaasa iisassaapput. Eqqaamasinnaaneq ajorukkit imaluunniit ullut tamaasa iisisarnissat aporfigigukku, naartunaveersaatit attartuut toqqarsinnaavatit, assersuutigalugu hormonspirali imaluunniit p-stavi. Hormonspirali ukiunit pingasunit ukiut arfinillit tungaannut atasarpoq, apeqqutaalluni sorleq atornerit.
Naartunaveersaatit pillugit peqqissaasumik oqaloqateqarit, paasisaqarfiginiassavatit. Atoqatigiinneq nuannernerpaasarpoq, atoqatigeereeraanni kinguaassiutitigut nappaatit imaluunniit naartunissaq eqqarsaatigisussaanagu.
