Spirali hormonimik akulik (IUS)
Atortuarannguup, peersat ingerlavianni unitsitsisartoq
MINUTSIALUNNGUANI IKKUNNEQARTARPOQ, UKIORPAALUNNILI ATUUTTARLUNI
Spirali una mikisoq, aqitsoq T-tut ilusilik hormoninik gestagen-inik imaqarpoq, nakorsamillu illissamut ikkunneqartarluni. Spirali arriitsumik hormonimik aniatitsisarpoq, illissap ameraasaani ineriartornermik annikillisaasumik, illissamilu aniasumik kinertunngortitsisumik, tamatuma anisuup ingerlanissaa ajornarnerulersittarpaa. Naartunaveersaat 99,8%-imik sunniuteqarpoq, taamaasillutit naartulernissamut 100%-ingajammik illersorlutit.
Nakorsamukarnerit marlussuit taamaallaat pisariaqarput. Nakorsaq oqaloqatigereerukku aalajangeruillu, naartunaveersaat ilinnut tulluartuusoq, spirali hormonimik akulik ikkutsissinnaavat. Kipisuitsumik ukiuni 3-ni imaluunniit 5-ini atortarpoq, ullormullu imaluunniit sapaatip akunneranut ingerlariaaseqartariaqarnani. Taamaattumik ilinnut piffissami sivisuumi atuuttartumik naartunaveersaammik ujaasisumut naartunaveersaat pitsassuuvoq. Atorunnaarnissaa aalajangiutissagukku aalajangerukkulu, naartunaveersaatip sunniutaa sukkasuumik atorunnaartarpoq, taamaasillutit sukkasuumik nalinginnaasumik aaqartaleqqissinnaavutit, naartulersinnaallutillu.
SUNNIUT - NALINGINNAASUMIK ATUINEQ
Hormonit
Aap. Spirali hormonimik akulik hormonimik gestagen-imik illissami aniatitsisarpoq, annertullu illissami sunniuteqartarluni
Atornera
Spirali hormonimik akulik nakorsamit ikkunneqassaaq, eqqortumillu ikkunneqarsimaguni ukiuni 3-nit 6-inut atuuttarluni. Spirali hormonimik akulik atorusukkunnaarukku, nakorsap minutsialunnguani peersinnaavaa.
Aaqartarnerit
Sakkortuumik aaqartarneq sakkukillisinnaavoq, soorlu aaqartarneq nalinginnaasumik qaqutigoornerulersinnaasoq. Arnalli ilaasa qilusoornerit aamma akuttoqatigiinngitsunik aaqartarnerit misigisarpaat. Annikitsumik aaqartarneq aamma qaammatini siullerni 3-6-ini nalinginnaasuusarpoq.
Spiralimik hormonimik akulimmik ikkussivigitilluni annernarpa?
Spiralimik hormonimik akulimmik ikkussivigitinneq imaluunniit ikkussivigitinnermi anniarneq nalinginnaasumik arnanut amerlanerpaanut ajornartorsiutaaneq ajorpoq. Arnat ilaat ikkussivigitereernermi anniartarput silaallu kaavittarlutik, tamannali piffissap sivikitsup ingerlanerani qaangiuttarpoq. Iluaalliorneq annikillisinniarlugu, nakorsap nalinginnaasumik nipaallisaatinik nalinginnaasunik iiseqqusinnaavaatit.
Spirali hormonimik akulik katassinnaava imaluunniit illissamut kappussinnaava?
Spirali hormonimik akulik nakorsamit ikkunneqartarpoq, taassuma qulakkiissavaa eqqortumik inississasoq. Ima pisoqarsinnaavoq, aaqarnermi nukiit eqikkarnerisa nikisissinnaagaa imaluunniit katatsissinnaagaa, qaqutigorujussuarlu illissap iigaa putusinnaavaa. Nalinginnaanngitsumik aaqarneq, anniarneq imaluunniit iluaalliorneq misigigukkit, erngertumik nakorsat attavigisariaqarpat.
Aapparma imaluunniit uanga atoqatigiinnitsinni spirali hormonimik akulik malugisinnaassavaa?
Spirali hormonimik akulik atortuuvoq mikisoq, aqitsoq peqikkuminartorlu. Illit aappavilluunniit atoqatigiinnermi malugisinnaasussaanngilarsi. Malugisinnaagussiuk, nakorsavit oqaloqatigereernissaata tungaanut atoqatigiinngikkallartariaqarpusi.
Spirali hormonimik akulik ukiut 3-nit 5-inut sinnerlugit ikkusimatissinnaavara?
Spirali hormonimik akulik, qanoq ittuunera apeqqutaalluni illissamiissinnaavoq ukiuni 3-nit 5-it tungaannut. Tamatuma kingorna spiralimik hormonimik akulimmik nutaamik taarserneqassaaq. Naartunaveersaat taanna piffissami atornerani iluarisimagukku, spiralip hormonimik akullip atuinnarnissaa pillugu nakorsat oqaloqatigisinnaavat.
Spirali hormonimik akulik qanoq sukkatigisumik sunniuteqalersarpa?
Spiralip hormonimik akullip sunniutaa 99%-ip sinneqassaaq, aaqalernivit kingorna ullut arfineq-marluk iluanni ikkunneqarsimaguni. Ikkunneqareerneranilli innersuussutigineqarpoq akunnerit 24-t atoqateqartoqassanngitsoq.
Meerartaarniarlungami aalajangeruma?
Spirali hormonimik akulik ukiut 3-nit 5-it tungaannut atorneqarsinnaavoq, kisianni qaqugukkulluunniit nakorsamit peerneqaqqissinnaalluni. Spiralip hormonimik akullip peerneranit ingerlaannarlutit naartulerniarsarisinnaavutit, soorlu naartulernissamut aaqartarnerit nalinginnaasoq uteqqissasoq. Naartusinnaassuserli soorunami ukioqqortusiartornermi appariartortarpoq.
Spirali hormonimik akullip aaqartarnerit unitsittarpai?
Aaqartartinit sakkukillisinnaavai, sivikillisinnaavai imaluunniit unitsivillugit. Tamanna tunngavigalugu, arnanut sakkortuumik aaqartartunut ikiuutaasinnaavoq. Tamatuma saniatigut spiralip ikkunneqareerneranit qaammatini pingasuni siullerni nikerartunik aaqartarsinnaavutit.
Spiralip hormonimik akullip peerneqarnerata kingorna qanoq naatsorsuuteqarsinnaavunga?
Aaqartarninni allannguutinik imaluunniit ingasanngitsumik aaqarneq misigisinnaavat. Spiralip peerneqareerneraniik sunniutaasinnaasut allat pillugit ernummateqaruit nakorsat oqaloqatigiuk.
SIUNNERSORNEQARNISSAQ PISARIAQARTIPPIUK?
Peqqissaanermik suliaqartoq oqaloqatigiuk
NAARTUNAVEERSAATIT ASSERSUUTIKKIT
Ukiut 3 - 6
Ikkunneqareeraangami ataavartumik atuuttarpoq. op.
< ukioq 1
Spiralip atorunnaarneranit arnat amerlanerusut piffissaq naartulerfigisagaat.
Sapaatip akunneri 6
Ernereernermi spiralimik ikkusivigitinnissap tungaanut.
- Ukiuni 3-nit 6-inut ikkusimasarpoq, kisiannili qaqugukkulluunniit peerneqarsinnaalluni.
- Akornuteqanngitsumik atoqatigiinnissamut periarfissiivoq.
- Arnanut østrogenimik kissaateqanngitsunut taarsiutaasinnaavoq.
- Arnat ilaasa aaqartarnerit sivikinnerusut, sakkukinnerusut imaluunniit akuttunerusut misigisarpaat.
- Milutsitsilluni atorneqarsinnaavoq.
- Spiralip peerneqarneranit naartulersinnaaneq nalinginnaasumut uteqqipallassinnaavoq.
- Ikkussineq peersinerlu nakorsamit suliarineqassaaq.
- Qaammatini 6-ini siullerni arnat ilaat nikerartumik aaqartarput, qilusoortarsinnaallutik kusernernillu aaqalaartarlutik.
- Spirali hormonimik akulik pissutigalugu arnat ilaat niaqorlussinnaapput, iluaalliuuteqarsinnaallutik akneqalersinnaallutillu, tamannali iisartakkanik naartunaveersaatinik atuinermit nalinginnaannginneruvoq.
- Kinguaassiutitigut nappaatinut illersuutaanngilaq
KALAALLIT NUNAANNI NAARTUNAVEERSAATIT AKEQANNGILLAT
- NAARTUNAVEERSAATIT ATORSIGIT IMMISSINNULLU PAARALUSI
Nalunngiliut usuup puuinik atugassannik akeqanngitsumik, piffissamik inniminneeqqaarnak napparsimavimmut aalliinnariaallutit?
Usuup puuata saniatigut naartunaveersaateqarnissat pitsaassaaq. Kalaallit Nunaanni iluanaarputit naartunaveersaatit assigiinngitsut akeqanngitsumik pisinnaagakkit, ilinnut tulluartut toqqarsinnaallugit.
P-pillit ullut tamaasa iisassaapput. Eqqaamasinnaaneq ajorukkit imaluunniit ullut tamaasa iisisarnissat aporfigigukku, naartunaveersaatit attartuut toqqarsinnaavatit, assersuutigalugu hormonspirali imaluunniit p-stavi. Hormonspirali ukiunit pingasunit ukiut arfinillit tungaannut atasarpoq, apeqqutaalluni sorleq atornerit.
Naartunaveersaatit pillugit peqqissaasumik oqaloqateqarit, paasisaqarfiginiassavatit. Atoqatigiinneq nuannernerpaasarpoq, atoqatigeereeraanni kinguaassiutitigut nappaatit imaluunniit naartunissaq eqqarsaatigisussaanagu.
