Glad kvinde. Det er sommer. Solen skinner kraftigt bagfra

NAARTUNAVEERSAATINI HORMONIT PAASISAQARFIGALUGIT

Pilersaarutaanngitsumik naartulernissaq pinaveersaartinniarlugu hormonit

Hormonit timitsinni nammineq pilersarput, taakkulu tamatsinnut assigi-inngitsumik sunniuteqartarput. Naartunaveersaatit ilaat hormoninik qakoqarput, taakku aaqartarnermut aamma/imaluunniit timimut sunni-uteqartarput, naartorusunngikkuit naartulersoortinniarnak. Piffissami sivikitsumi imaluunniit piffissami sivisuumi atuuttarunik, sunniutaat assigiipajaartarput.

Naartunaveersaatit hormonitallit

Naartunaveersaatit arlallit pilersaarutaanngitsumik naartulernissaq pinaveersaartinniarlugu hormonitaqartarput. Qanoq atortarnersut pillu-git naatsumik nassuiaatit aajuku.

Spirali hormonimik akulik (IUS)

Nakorsamit imaluunniit peqqissaasumit illissamut ikkunneqartarpoq, tassanilu spirali hormonimik akulik hormonimik gestagenimik ania-titsisarpoq. Hormonip taassuma aniasoq kinertittarpaa, peersap mannissamut apuunnissaa ajornarlisillugu, kiisalu illissap ameraasaan-ik pilersitsineq annikillisittarpaa, taamaasilluni mannissap kinguaas-saqalersimasup nippunnissaa ineriartornissaalu ajornarlisillugu.

Implanon

Amitsukujooq mikisoq assaqqunni amivit iluanut nakorsamit imaluun-niit peqqissaasumit ikkunneqartarpoq, tassani hormoni gestagen aap ingerlaarneranut aniatinneqartarluni. Hormonip mannissaqarfivit mannissanik aniatitsinerat pinaveersaartittarpaa, kiisalu aniasoq kiner-tittarlugu, peersap ingerlanissaa ajornarlisarlugu.

P-kapuut qaammatini pingasuni atuuttoq

Kapuut sorliunersoq apeqqutaalluni hormonimik gestagenimik, ima-luunniit gestagenimik aamma østrogenimik akoqartarpoq. Nakorsamit imaluunniit peqqissaasumit qaammatikkaartumik imaluunniit qaamma-tit pingasukkaartumik kapitinneq hormoninik aap ingerlaarneranut aniatinneqartarpoq, tamatuma mannissaqarfiit mannissanik ania-titsinerat pinaveersaartittarpaa, kiisalu aniasoq kinertittarlugu.

Iisartakkat naartunaveersaatit

Iisartakkat naartunaveersaatit nammineq iisartakkat assigiinngitsut marluupput. Iisartagaq naartunaveersaat katigutaq gestagenimik aamma østrogenimik akoqarpoq, kiisalu iisartagaq naartunaveersaat gestageniinnarmik akulik taamaallaat gestagenimik akoqarpoq. Iisar-takkat naartunaveersaatit assigiinngitsut assigiinngitsumik atortarput. Iisartagaq naartunaveersaat gestageniinnarmik akulik pingaarnertut illissap ameraasaanik issutsitsisarpoq kiisalu aniasumik kinertitssisar-luni, peersap ingerlanissaanik ajornarlisaasumik. Iisartakkap naartu-naveersaatip katigutap mannissat mannissaqarfimmit aniatinneqarne-rat aamma unitsittarpaa.

P-piller, hormonspiral imaluunniit p-stav? Sorleq toqqassaviuk?

Naartunaveersaatit suut ilinnut tulluarnersut takuniarlugu apeqqutit tallimat akikkit.

APEQQUTIT AKIKKIT

NAARTUNAVEERSAATIT ALLAT

Naartunaveersaatit hormonitallit pillugit uani paasisaqarnerugit:

Spirali hormonimik akulik

Spirali hormonimik akulik plastikkiuvoq mikisoq T-tut isikkulik, ukiut 3-5-it tungaannut hormoninik gestageninik annikitsukkaarlugit aniatitsisartoq. Nakorsaatissanut allagartaqarluni pissarsiarineqartarpoq, nakorsamillu imaluunniit peqqissaasumit illissamut ikkunneqartarluni.

Periuseq takujuk

Spirali kanngussak

Spirali kanngussak plastikkiuvoq mikisoq T-tut isikkulik, kanngussammik allunaasartalik. Nakorsaatissanut allagartaqarluni tunniunneqartarpoq, kiisalu nakorsamit imaluunniit peqqissaasumit illissamut ikkunneqartarpoq, ukiunilu 5-10-t tungaannut naartunaveersaataasarluni.

Periuseq takujuk

Implanon

Silikone mikisoq qitulleraartoq ukiuni 3-5-it tungaannut hormoninik aniatitsisartoq. Nakorsaatissanut allagartaqarluni tunniunneqartarpoq, assaqqup iluatungaanut nakorsamit imaluunniit peqqissaasumit ikkunneqartarpoq.

Periuseq takujuk

P-kapuut qaammatini pingasuni atuuttoq

Kapuut hormonimik/hormoninik akulik, nakorsaatissanut allagartaqarluni tunniunneqartartoq, qaammatillu tamaasa imaluunniit qaammatit pingasukkaarlugit nakorsamit imaluunniit peqqissaasumit isumagineqartartoq.

Periuseq takujuk

Naartunaveersaatit assersuutikkit

KALAALLIT NUNAANNI NAARTUNAVEERSAATIT AKEQANNGILLAT

- NAARTUNAVEERSAATIT ATORSIGIT IMMISSINNULLU PAARALUSI

Nalunngiliut usuup puuinik atugassannik akeqanngitsumik, piffissamik inniminneeqqaarnak napparsimavimmut aalliinnariaallutit?

Usuup puuata saniatigut naartunaveersaateqarnissat pitsaassaaq. Kalaallit Nunaanni iluanaarputit naartunaveersaatit assigiinngitsut akeqanngitsumik pisinnaagakkit, ilinnut tulluartut toqqarsinnaallugit.

P-pillit ullut tamaasa iisassaapput. Eqqaamasinnaaneq ajorukkit imaluunniit ullut tamaasa iisisarnissat aporfigigukku, naartunaveersaatit attartuut toqqarsinnaavatit, assersuutigalugu hormonspirali imaluunniit p-stavi. Hormonspirali ukiunit pingasunit ukiut arfinillit tungaannut atasarpoq, apeqqutaalluni sorleq atornerit.

Naartunaveersaatit pillugit peqqissaasumik oqaloqateqarit, paasisaqarfiginiassavatit. Atoqatigiinneq nuannernerpaasarpoq, atoqatigeereeraanni kinguaassiutitigut nappaatit imaluunniit naartunissaq eqqarsaatigisussaanagu.